ᑐᓴᕋᓐᓈᕈᑎᒃᑯᑦ ᐃᓚᓕᐅᔾᔨᕙᓪᓕᐊᕗᑦ ᐅᑭᐅᖅᑕᖅᑐᒥᐅᑦ ᓂᐱᖏᑦ ᐃᓕᑉᐸᓪᓕᐊᒐᑕᐅᓪᓗᓂ ᓇᓗᓇᐃᒃᑯᑕᖏᓐᓂᑦ
View FRENCH or ENGLISH versions of this Blog Post.
ᐋᖅᑭᒃᓱᐃᔨᐅᑉ ᑎᑎᖅᑲᖓ: ᐅᓪᓗᒥ ᑎᑎᖅᑲᓕᐊᖅ ᓴᖅᑭᖅᑕᐅᓯᒪᔪᖅ ᑎᑎᕋᖅᑕᐅᓪᓗᓂ ᔨᐊᓂᕗ ᕙᓛᓂᒐᓐ, ᐊᖓᔪᖅᑳᖅ ᐊᒻᒪᓗ ᑎᑎᕋᖅᑎᒋᔭᐅᔪᖅ ᐊᒃᑐᐊᖅ. ᐅᑭᐊᔅᓵᖑᑎᓪᓗᒍ ᐋᒃᑐᐊ ᐊᒻᒪᓗ ᒎᒍᓪ ᓇᓗᓇᐃᖅᓯᓪᓗᑎᒃ ᓴᖅᑭᖅᑕᐅᓂᖏᓐᓂᑦ ᓇᓗᓇᐃᒃᑯᑕᓕᐊᖑᒍᓐᓇᖅᑐᑦ
“ᑖᓐᓇ ᐱᐅᓂᖅᐹᖑᓯᒪᕗᖅ ᑐᓴᖅᓯᒪᓕᖅᑕᕐᓂᒃ!”
ᐅᓪᓛᖅ ᐅᖃᖅᑲᐅᔪᖅ ᓂᐅᓪᓴᓐ ᑕᒍᓐᓈᖅ ᑐᓴᓚᐅᖅᑎᓪᓗᒍ ᓇᑲᓱᒃ ᐃᓕᓐᓂᐊᖅᕕᒻᒥ ᐃᓕᓐᓂᐊᖅᑎᖏᑕ ᑲᑕᔾᔭᖅᑎᖏᑦ ᐊᑐᖃᑦᑕᕐᓂᖏᓐᓂᑦ ᑐᓴᕋᓐᓈᕈᑎᓕᐅᕈᑎᒃᑯᑦ ᐊᑐᖅᑕᐅᖃᑦᑕᕐᓂᖏᓐᓂᑦ ᐃᓚᓕᐅᔾᔭᐅᓗᑎᒃ ᓂᐱᖏ. ᓂᐅᓪᓴᓐ ᐃᓅᓪᓗᓂ ᐱᐅᒋᔭᖃᒻᒪᕆᑉᐳᖅ ᖃᕋᓴᐅᔭᑎᒍᑦ ᑐᓴᕋᓐᓈᕈᑎᓕᐅᕐᓂᒃᑯᑦ ᐊᑐᕈᓘᔭᖃᑦᑕᕆᐊᖓ ᐃᓚᓕᐅᔾᔨᓪᓗᓂ ᓂᐱᓂᒃ. ᐅᓪᓗᒥ ᐃᖃᓗᓐᓂ ᐱᖃᑎᖃᕐᓂᐅᓴᕗᖅ ᐱᓕᕆᖃᑎᒌᑦᑑᓐᓂᒃ ᐋᒃᑐᐊ ᐊᒻᒪᓗ ᒎᒍᓪ ᑕᒪᓐᓇ ᓴᖅᑭᖅᑕᐅᓂᐊᕐᓂᖓᓄᑦ ᓇᓪᓗᓇᐃᒃᑯᑕᕆᔭᐅᒍᓐᓇᖅᑐᑦ - ᑕᒪᓐᓇ ᓴᖅᑭᖅᑕᐅᓂᐅᓴᔪᖅ ᑲᓇᑕᓕᒫᒥᒃ ᐃᓅᓱᒃᑐᐃᑦ ᐊᓯᐊᒍᑦ ᐱᓕᕆᒃᑲᓐᓂᕈᓐᓇᖁᓪᓗᒋᑦ ᖃᕋᓴᐅᓕᕆᕈᓘᔭᕈᑎᒋᕙᑦᑕᖏᓐᓂᑦ.
“ᑲᑕᔾᔭᖃᑦᑕᓂᒃᑯᑦ ᑐᓐᓂᖁᑎᒋᒍᓐᓇᖅᑲᕗᑦ ᓯᕗᓂᔅᓴᑎᓐᓂ ᑭᖑᕚᑎᓐᓂ ᐱᓯᒪᔭᕗᑦ ᑲᑕᔾᔭᖃᑦᑕᓐᓂᒃᑯᑦ.” ᓂᐅᓪᓴᓐ ᐅᕙᓐᓄᑦ ᐅᖃᓚᐅᖅᑐᖅ ᐃᑲᔪᖅᓯᓈᖅᑐᓂ ᓱᕈᓯᕐᓂᑦ ᑐᓴᕋᓐᓈᕈᑎᕈᓘᔭᕐᓂᑦ ᐃᓚᓕᐅᔨᓗᑎᑦ ᐃᖏᖃᑦᑕᑎᓪᓗᒋᑦ. “ᐃᓕᑉᐸᓪᓕᐊᓯᓐᓈᖅᑐᓂ ᓇᓗᓇᐃᒃᑯᑕᓕᐅᕆᓂᒃᑯᑦ ᑐᓴᕋᓐᓈᕈᑎᓄᑦ ᐊᑐᕐᓗᓂ ᓂᐱᓕᐅᕆᓂᒃᑯᑦ, ᑖᒃᑯᐊ ᓱᕈᓰᑦ ᓴᖅᑮᓯᒪᓕᖅᑯᑦ ᓅᑕᖑᔪᒥᑦ ᐱᖅᑯᓯᑐᖃᖅᑎᒍᑦ ᓱᓕ ᐊᑐᖅᑕᐅᔪᓐᓇᕐᓗᑎ ᐱᐅᒋᔭᐅᒻᒪᕆᑦᑐᑦ. ᐊᒻᒪᓗ ᑕᒪᓐᓇ ᐱᖃᓯᐅᑎᒍᓐᓇᓕᖅᑲᕗᑦ ᓯᓚᕐᔪᐊᕐᒥᐅᖃᑎᑦᑎᓐᓄᑦ.”
ᑕᒫᓂ ᐱᓇᓱᐊᕈᓯᑦᑎᓐᓂ ᐃᓕᓐᓂᐊᑎᑦᑎᓂᖅ ᐃᖃᓗᓐᓂ, ᐱᖃᓯᐅᑎᓯᒪᓪᓗᓂᓗ ᐃᓚᖏᓐᓂᑦ ᑕᒪᕐᒥᓕᒫᑎᒍᑦ ᓴᖅᑭᖅᑕᐅᓯᒪᔪᑦ ᐃᓄᐃᑦ ᓴᓇᐅᒐᑎᖏᕗᑦ ᐊᒻᒪᓗ ᓇᓗᓇᐃᒃᑯᑕᓕᐅᕐᓂᖅ ᐱᒡᒐᓇᙱᑦᑐᓂᑦ ᐱᖑᐊᕈᑎᓂᑦ, ᑕᒪᓐᓇᓗ ᓯᕗᓪᓕᖅᐹᑦᑎᐊᖑᓪᓗᓂ ᓴᖅᑭᖅᑕᐅᓯᒪᓕᖅᑯᖅ ᐊᒥᓱᒻᒪᕆᐅᔪᓂᑦ ᐱᓕᕆᐊᔅᓴᓕᐊᕆᔭᐅᓯᒪᔪᓂᑦ ᓇᓗᓇᐃᒃᑯᑕᓕᐅᕐᓂᒃᑯᑦ ᑕᒫᓂ ᐊᐅᔭᐅᓂᐊᖅᑐᒥ ᑲᓇᑕᒥ, ᑖᓐᓇᓗ ᑲᑎᒍᑎᑦᑎᐊᕙᐅᒍᓐᓇᖅᑐᓂ ᓯᕗᓪᓕᐹᑎᐊᖑᓗᓂ ᐊᒥᓱᒻᒪᕆᓐᓄᑦ ᐃᓅᓱᑦᑐᓄᑦ ᐱᓕᕆᖃᑎᒌᒍᑕᐅᓗᓂ, ᓴᖅᑭᑎᑦᑎᓗᑎᒃ ᐊᒻᒪᓗ ᐱᕙᓪᓕᐊᑎᑦᑎᒍᓐᓇᕐᓗᑎᓪᓗ ᓇᒻᒥᓂ ᐱᖅᑯᓯᑐᖃᕐᒥᒍᑦ ᓴᖅᑮᑎᑦᑎᒍᓐᓇᕐᓗᓂ.
ᓂᐅᓪᓴᓐ ᑕᑯᓐᓇᒐᑦᑎᐊᕙᐅᕗᖅ ᐊᒥᓱᓄᑦ ᓱᕐᕈᓯᕐᓄᑦ ᐃᓕᓐᓂᐊᕐᕕᐅᕐ ᐃᓗᐊᓂ. ᑕᑯᓐᓇᒐᕆᓪᓗᓂᐅᒃ ᖃᕋᓴᐅᔭᑎᒍᑦ ᐊᑐᕐᓗᓂ ᑕᒪᓐᓇ ᐱᕙᓪᓕᐊᒍᑕᐅᓕᕈᓐᓇᖅᑐᒋᓪᓗᓂᐅᒃ ᐊᒻᒪᓗ ᓴᙵᑦᑎᒍᑕᐅᑲᓂᕐᓗᓂ ᓄᓇᓕᐅᖃᖅᒌᓄᑦ.
ᑕᐃᒫᓪᓗᐊᑦᑕᐅᖅ ᐋᒃᑐᐊ ᐊᒻᒪᓗ ᒎᒍᓪ. ᑕᒪᐱᕙᓪᓕᐊᒍᑕᐅᓕᕈᓐᓇᖅᑐᒋᓪᓗᓂᐅᒃ ᐊᒻᒪᓗ ᓴᙵᑦᑎᒍᑕᐅᑲᓂᕐᓗᓂ ᓄᓇᓕᐅᖃᖅᒌᓄᑦ.
ᑕᐃᒫᓪᓗᐊᑦᑕᐅᖅ ᐋᒃᑐᐊ ᐊᒻᒪᓗ ᒎᒍᓪ. ᑕᒪᓐᓇ ᓇᓗᓇᐃᒃᑯᑕᐅᓕᐅᕐᓂᖅ ᐱᓕᕆᐊᖑᓯᒪᓕᖅᑯᖅ ᐊᕐᕌᒍᓄᑦ ᐱᕙᓪᓕᐊᑎᑕᐅᓪᓗᓂ ᐅᐊᔭᓕᕆᔨᖏᓐᓂᑦ ᒎᒎᓪ ᐊᒻᒪᓗ ᐋᒃᑐᐊ ᖃᐅᔨᒪᔨᕐᔪᐊᖏᓐᓄ ᑕᒪᓐᓇ ᐱᕈᖅᐸᓪᓕᐊᒍᓐᓇᖁᓪᒍ ᐅᓪᓗᒥ ᐃᓅᓱᑦᑐᐃᑦ ᖃᕋᓴᐅᔭᓕᕆᖃᑦᑕᕐᓕᕐᓂᖏᑎᒍᑦ ᐱᓕᕆᖃᑎᒌᒍᑕᐅᒃᑲᓐᓂᕈᓐᓇᕐᓗᓂ. ᑖᓐᓇ ᐱᓕᕆᐊᔅᓴᐅᔪᖅ ᑐᕌᒐᕆᔭᑦᑎᐊᕙᖃᖅᑯᖅ: ᑖᒃᑯᐊ ᑲᓇᑕᒥ ᐃᓄᓱᑦᑐᐃᑦ 100,000 - ᖏᓐᓃᑦᑐᑦ ᑲᓇᑕᒥᐅᑦ, ᐱᖃᓯᐅᑎᓪᓗᒋᑦ ᐊᕐᓇᐃᑦ ᐊᒻᒪᓗ ᐃᓐᓇᐅᓂᖅᓴᓄᑦ ᐊᕐᓇᓄ, ᓄᓇᖃᖅᑳᓯᒪᔪᓄᑦ ᐃᓅᓱᒃᑐᓄᑦ ᐊᒻᒪᓗ ᑕᐃᒃᑯᓄᖓ ᐱᒡᒐᓇᕈᑎᖃᖅᐸᑦᑐᓄᑦ ᒪᑭᒪᐅᑎᖃᕋᓴᐊᕐᓂᒃᑯᑦ, ᐱᓕᕆᔨᐅᓕᕈᓐᓇᖁᓪᓗᒋᑦ ᖃᕋᓴᐅᔭᑎᒍᑦ ᐊᑐᕐᓗᓂ ᓂᐱᓕᐅᕆᓂᒃᑯᑦ ᐱᕈᖅᐸᓪᓕᐊᑎᑦᑎᒍᓐᓇᖁᓪᓗᒍᑦ ᐊᒻᒪᓗ ᓴᖅᑮᒍᓐᓇᕐᓗᑎ ᓯᕗᓂᕆᓂᐊᖅᑕᑎᓐᓂ.
ᐅᓪᓗᒥ ᐃᖃᓗᓐᓂ ᑕᒪᓐᓇ ᐊᓪᓗᕆᐊᕈᑎᒋᓪᓗᑎᒍ ᑕᒪᓐᓇ ᓴᖅᑭᖅᑕᐅᕙᓪᓕᐊᒍᓐᓇᖁᓪᓗᒍ ᑐᕌᕐᕕᒋᔭᕗᑦ. ᐊᒻᒪᓗ, ᖁᔭᓐᓇᒦᖅᑐᒋᑦ ᓇᑲᓱᒃ ᐃᓕᓐᓂᐊᖅᑎᖏᑦ, ᓴᖅᑮᒍᓐᓇᕐᓂᑎᓐᓄᑦ ᑐᓴᕐᓂᕈᓘᔭᖅᑐᒥᑦ ᑐᓴᕋᓐᓈᒐᕐᒥ!
ᓴᖅᑭᖅᑕᐅᔪᖅ ᔨᐊᓂᕗᑦ ᕙᓛᓂᒐᓐ, ᐊᖓᔪᖅᑳᖅ ᐊᒻᒪᓗ ᑎᑎᕋᖅᑎ, ᐋᒃᑐᐊ
